بارەگای بارزاني رسوومەیل ئادار وسنێد

شەفەق نیوز/ بارەگای سەرۆک پارت دیموکرات کوردستان سەرکردەی کورد مەسعود بارزانی، ئمڕوو شەممە، راگەیان وسانن گشت رسوومەیل بۆنە نیشتمانی نەتەوەییەکان لە مانگ ئادار ئایندە، لەوەڕ بڵاوبوین پەتاگەی کۆڕۆنا.

بارەگاگە لە بەیاننامەیگ رەسیە ئاژانس شەفەق نیوز وت: وەگەرد نزیکەوبوین ساڵیادە نیشتمانیەکان و نەتەوەیەکان مانگ ئادار، ئەرا هاووڵاتییەکان راگەینیمن ک لەوەر پەتای کۆڕونا و پابەندی وە رینما تەندروسیەکان و ئەرا مقەیەتیکردن سەڵامەتی خەڵک کوردستان، ئمساڵ رسوومەیل سەردان هاووڵاتییەکان ئەرا قەور دوو نەمر (سەرکردەی کورد رەحمەتی مەڵا موستەفا بارزانی و کوڕەگەی ئەندازیار شۆڕش گوڵان و ئاشتەوبوین نیشتمانی سەرکردە لە پارت دیموکرات کوردستان رەحمەتی ئیدریس بارزانی) نێکەێد.