باڵوێز سعودیە ئەرا سەرۆک حکومەت هەرێم دووپات لە دەور هەرێم ئەرا ئارامی ناوچەگە کەێد

شەفەق نيوز/ سەرۆک حکومەت هەرێم کوردستان،  ئمڕوو یەکشەممە،  وەگەرد باڵوێز سعودیە لەلای عراق باس ۆەیوەندیەیل ناوبەین هەردوگلا کرد، و باڵوێزەگە دووپات لە دەور هەرێم کوردستان  لە ئارامی ناوچەگە کرد.

حکومەت هەرێم کوردستان لە بەیاننامەیگ رەسیە ئاژانس شەفەق نيوز وت: مەسرور بارزانی سەرۆک حکومەت هەرێم کوردستان،  ئمڕوو،  پێشوازی لە عەبدولعەزیز شەمەری باڵوێز سعودیە لەلای عراق کرد، و دیاری کرد ک لە چەوپیکەفتنەگە باس رەوشەیل گشتی لە عراق و ناوچەگە کریا، و هەمیش باس پەیوەندیەیل ناوبەین کوردستان و سعودیە کریا.

بەیاننامەگە وتیش: باڵوێز سعودیە دووپات لە گرنگی بتەوکردن پەیوەندیەیل وڵاتەگەی وەرد هەرێم کوردستان،  وەتایبەت لە بەرهەمهاوردن سعودی، و هەمیش وت؛ سعودیە وە گرنگی نووڕێدە دەور هەرێم کوردستان ئەرا وەدەسهاوردن ئارامی لە ناوچەگە.

هەرلیوا، سەرۆک حکومەت هەرێم کوردستان باس ئامادەی هەرێم کوردستان ئەرا بتەوکردن پەیوەندیەیلیگ گشتگیر وەرد سعودیە و هەماهەنگی وەخاتر قایمکردن بنەمایل برادەری لەناوبەین هەردوگ لایەنەگە.