باڵا کوڵەیل: داوای پشتگیریکردن لە سەردی و وەفرەگە کەیمن
شەفەق نیوز/ کۆمەڵەی باڵا کوڵەیل لە هەرێم کوردستان، ئمڕوو پەنجشەممە، داوا لە گشت لایەنە حکومەتیەیل و خەیرخوازەیل لە خەڵک کوردستان کرد هاوکاری کەمئەندامەیل لەی مەوقە بکەن.
عومەر جەبار وەرۆرس کۆمەڵەی باڵا کوڵەیل لە هەرێم کوردستان لە کۆنگرەیگ رووژنامەوانی ئاژانس شەفەق نیوز ئامادەی بۊی وت " شایەت رەوش کەمئەندامەیل تاێبەتمەنی خوەی بیاشتاد، تایبەت لەی ماوە ک وەفر فرەی ناوچەیل هەرێم کوردستان و عراق گردە وەر، ک پەک جۊلە و کار لەناوچەیل فرەیگ لە هەرێم خست، و کاریگەری لەبان ژیان و گوزەرانی باڵا کوڵەیل داشت لەوەر شیوەی تەندروسی و لەشیان.
جەبار دووپات لە گرنگی ئەوە کرد ک حکومەت هەرێم کوردستان گشت تەقەلایگ ئەرا پێشکەشکردن هاوکاری باڵا کوڵەیل لەی ماوە بیەێد، لە هاوکاری دارایی چۊنکە فرە لە باڵا کوڵەیل لەسای واران و وەفرەگە کار وەپیان نێکریەێد، و هەمیش بەشیگ سوتەمەنی ئەرایان تەرخان بکریەێد تا تەندروسی و لەشیان بکەفێدە گەرمی.
جەبار هەمیش داوا لەپەرلەمان هەرێم کوردستان کرد زوور بارێدە بان حکومەت تا داوایل باڵا کوڵەیل و کەمئەندامەیل جیوەجی بکەێد، چۊنکە زیانیگ وەخوەیان دۊینن کەسیگ تر لە چینەیل کۆمەڵگا وەخوەی نێونێد.
وەرپرس کۆمەڵەی باڵا کوڵەیل دەسخوەشی لە بڕیار دۊیایین حکومەت هەرێم کرد ک ١٠٠ هەزار دینار لەبان مووچەی کەمئەندام و فەرمانبەرەیل زیای کردگە.
کۆمەڵەی باڵا کوڵەیل لە هەرێم کوردستان داوا لە سەرۆکایەتی پەرلەمان هەرێم کرد داوەزێدە جادە و گووش لە داوایل باڵا کوڵەیل بگرێد، و دەور خوەیان لە رەسانن دەنگیان ئەرا لایەنەیل پەیوەندار بڕانن، لە نشانەیگ ئەرا ئەوە ک بایەتە باڵا کوڵەیل لە هەڵبژاردن پەرلەمان هاتگ قسەی خوەیان بیاشتوون، ئەگەر پەرلەمان ئەرک خوەی وەرانوەریان جیوەجی نەکرد.
