بەغداد سپۆنسەر مووچەی سێ مانگ فەرمانبەرەیل هەرێم کوردستان کەێد
سەرچەوەگە ئەرا ئاژانس شەفەق نیوز وت: ئەنجومەن وەزیرەیل لە دانیشتن ئاسایی ئمڕوو، رەزامەنی لەبان سپۆنسەرکردن هەرێم کوردستان وە ٧٠٠ ملیار دینار دا، ئەرا بەشەوکردن مووچەی فەرمانبەرەیل هن ئی سێ مانگ دویاییە.
لەلای خوەییش، بارزانی لە بەیاننامەیگ رەسیە ئاژانس شەفەق نیوز وت: وە ویست رپ گەلمان، توەنستیمن وەرگری لە مافەیل گەل کوردستان بکەیمن، و بڕەسیمنە رێککەفتن سوودداریگ وەگەرد محمد شیاع سودانی سەرۆک وەزیرەیل فیدڕاڵی، ئەرا دابینکردن مووچەی هاوڵاتیەیل.
بارزانی سوپاس لە هاووڵاتیەیل کورد کرد ئەرا سەبر درویژیان و خوەیڕاگرییان و باوەڕ قویلیان وە حکومەتیان، و وە سەرکردەی کورد مەسعود بارزانی، و هەمیش لە نێچیروان بارزانی سەرۆک هەرێم کوردستان لە رۆڵی لە پاڵپشتیکردن و سەرکەفتن کار دانوسەنین وەرد حکومەت فیدڕاڵی.
بارزانی هەمیش دەسخوەشی لە هیزەیل سیاسی لە عراق فیدڕاڵ کرد ئەرا پشتگیریکردنیان، وەگەرد هیزەیل سیاسی و فراکسیۆنەیل کوردستانی لە ئەنجومەن نوینەرەیل فیدڕاڵی ئەراک پشتگیریکردنیان، وەخاتر مسۆگەرکردن ماف خاوەن مووچەیل لە هەرێم کوردستان.
