بەغداد بڕە بوودجەی مووچەی هەرێم کوردستان کلنیەکەێد
2022-08-31T12:05:37+00:00
شەفەق نیوز/ لیژنەی دەسپاکی لە پەرلەمان کوردستان، ئمڕوو پەنجشەممە، خەمباربوین خوەی دەربڕی وە پابەن نەبوین حکومەت فیدراڵی وە کلکردن بڕە 200 ملیار دینار مانگانە ئەرا خەرجکردن موچەی فەرمانبەرەیل و کراکارەیل کەرت گشتی هەرێم.
سەرۆک لیژنەگە بەلێن ئسماعیل لە کۆنگرەیگ رووژنامەوانی ک ئمڕوو لە پەرلەمان سازدریا وت، ئەو بڕە ک لە گوزەشتە دیاری کریاوێد بچوودە ناو خەزینەی گشتی و وە دیارکریاگی ئەرا وەزارەت دارایی و ئابووری ئەرا کلکردن مووچە وەگورەی رێکەفتن مابەین هەولێر و بەغدا لەبان بڕ 200 ملیار مانگانە، وتیش، باوجی وە داخەو لەماوەی ئمساڵ 2022 حکومەت فیدراڵی تەنیا دوو جار ئەو بڕە کلکردیە ک کەێدە 400 ملیار دینار عراقی.
وتیش، هاوپەیمانی ناودەوڵەتی بڕە بودجەیگ ک رەسێدە 30 ملیۆن دۆلار ئەرا موچەی هێزەیل پێشمەرگە کلکەێد لە هەشمار وەزارەت کاروبار پێشمەرگە.
