بەرزەوبۊین گەشتیاری لە هەرێم کوردستان
2022-01-09T08:27:15+00:00
شەفەق نیوز/ وەپای ئاماریگ وەلایەن دەسەی گەشتوگوزار هەرێم کوردستان دەرچگە، 4 ملیۆن گەشتیار سەردان هەرێم کردنە لە 2021، ک یە یەکەم جارە وەی شمارەی گەپە گەشت ئەرا هەرێم بکریەێد.
دەسەگە وت؛ لەوەر دیمەنەیل سروشتی رەنگین کوردستان، و گرنگی داین وەی کەرتە رێژەی گەشتیارەیل ساڵ لەدۊیای ساڵ هالە بەرزەوبۊین، بێجگە لە ساڵ 2020 مەقەی بەسین سنوورەیل لەوەر بڵاوبۊین ڤایرۆس کۆڕۆنا.
لە ئامار ساڵ2021 دەرچگە، گەپترین شمارە لە گەشتیارەیل ک سەردان هەرێم کوردستان کردنە توومارکریایە، و یە یەکەم ساڵە چوار ملیۆن گەشتیار رەد بکەێد، ، وە زیادبۊین رێژەی 425 لەسەد لە شمارەی گەشتیارەیل لەماوەی هەفت ساڵ گوزەشتە.
