بڕێ دز دیرن کارەبای سلێمانی خەنە وەر رمیان
2021-09-10T08:27:08+00:00
شەفەق نیوز/ وەڕێۆبەرایەتی گشتی کارەبای سلێمانی، ئمڕوو جمعە، هووشداری لە مەترسی رمیان تووڕ کارەبای نیشتمانی لە پارێزگاگە و ئیدارڵی ناوچەی گەرمیان کرد، لەوەر چەتەیگ ک دیرن دزی لە ئامێرەیل تاوەرەیل وزەی کارەبا کەن.
ئەندازیار سالار حوسامەدین وەڕێۆبەر گشتی کارەبای سلێمانی لە بەیاننامەیگ رەسیە ئاژانس شەفەق نیوز وت: بڕێ لە هەرسناکەیل لە ناوچەی سەنگاو ئەرا ماوەیگە دزی لە ئامێرەیل تاوەرەیل وزەی کارەبای سلێمانی و گەرمیان کەن، وەگەرد ئەو زەرەدەیل داراییە ک وە ٢٠٠ مەلیۆن مەزەنە کریەن، هەمیش مەترسی هەس ک تاورەیلە بڕمیەن و کارەبا لە سلێمانی و گەرمیان بووریەێد.
وەرپرسە حکومەتیەگە داوا لە لایەنە پەیوەندیدارەیلە کرد کاریگ ئەرا لەناوبردن ئی سیما بکەن، و سزای تاوانکارەیل بیەن، وتیش؛ ئی کردەوە تاوانیگە لەبان سلێمانی و گەرمیان کریەێد.
