پیاویگ مەوقەی راوکردن لە کرماشان کوشیەێد

وتیش: لە وەشوینکەفتن باوەتەگە، ماشین تویوتا لاندگرووز هن پیاوەگە پەیا کریا، ک نیمگی سزیاگە، و ماشینەگە لە شوین سەرەوخواری لە ناوچەیگ لە کرماشان بوی ک رەسین ئەرای سەخت بوی.

پولیس مەوقەی لێکۆڵینەوە ئاشکرا کرد ک کەسیگ پەیوەندی وەو پیاو بیسەروشوینە داشتگە، ک برادەری بویە لە تەمەن ٣٠ ساڵە، و هەناێ دەسگیر کریا، تفەنگ راو لەماڵی پەیا کریا.

ئەو کابرا ئاشکرا کرد ک خوەی برادەرەگەی کوشتگە، وتیش؛ رویداوەگە وەناکاوەو بویە و خوەی نیاز کوشتنی نەیاشتیە.

بکوشەگە وت: خوەی و قوربانیەگە چینەسە راوکردن، و هەنای خوازیە تفەنگ راوەگە لە کوشین پشتم لەناو ماشینەگە درارم، گولەیگ لە تفەنگەگە مەرقەز بویە و دادە مل برادەرەگەم، ک ئەو رانندە بویە.

دویای ئەوە، لاشەی قوربانیەگە لەناو ئەو زەویە ناگەسە خاک، و ماشینەگە ئەرا شوینیگتر بردیە، و لەورا ئاگر ماشینەگە داگە.