ئاهەنگەیل رووژ ئاڵای کوردستان.. وینە
شەفەق نیوز/ گەل کوردستان لە پارێزگایەیل هەرێم کوردستان، و هەولێر پایتەخت هەرێم کوردستان، ئمڕوو سێشەممە، ئاهەنگ رووژ ئاڵای کوردستان کردن.
مەسعود بارزانی ریبەر کورد لەبان ماڵپەڕ خوەی لە ئێکس نویسان: ئاڵای کوردستان سونبولیگا وەرجەسەی پەیام ئاشتی و وەیەکەوژیان و خوەیڕاگری و قوربانیدان هەڵگرێد کە گەل کوردستان وەپییان باوەڕ دیرێد، پیرووزبایی رووژ ئاڵا لە گشت کوردستانیە ئازیزەیل کەیمن.
پەیامنێر ئاژانس شەفەق نیوز وت: بڕیگ کار و چالاکی لە گشت پارێزگایل وە رووژ ئاڵای کوردستان وەڕیەو چگن.
گەل کوردستان ئاهەنگ رووژ ئاڵا لە ١٧ی کانوون یەکەم لە گشت ساڵیگ کەێد، ئەوەیش دویای بڕیاردانی لەلایەن پەرلەمان هەرێم کوردستان.
هەرلیوا، شار سلێمانی وە رسوومەیل فەرمی ئاهەنگ رووژ ئاڵای کوردستان کرد لەناو بینای پارێزگاگە وە ئامادەبوین هەڤاڵ ئەبوبەکر پارێزگار سلێمانی و شمارەیگ لە وەرپرسەیل شارەگە و کەسایەتیەیلی.
پەیامنێر ئاژانس شەفەق نیوز وت: ئاهەنگەگە وە بەرزکردن ئاڵای کوردستان لەبان بینای پارێزگاگە دەسوەپی کرد ئیجا سروود نیشتمانی کوردستانی (ئەی رەقیب) لەناو ئامادەبوین شمارەیگ لە مناڵەیل و وەرپرسەیل.
جی باسە کە پەرلەمان، لە ساڵ ٢٠٠٩، کوردستان بڕیار دا رووژ ١٧ی کانوون یەکەم بوودە رووژ ئاڵای کوردستان، و لەو وەختەو ئاهەنگ فەرمی و جەماوەری ساڵانە وەی رووژە کریەێد.
جی باسە کە ئاڵای کوردستان سێ رەنگە؛ سوور کە نشانەی شووڕش و ئازاییە، و سەوز کە نشانەی رەنگینی و سروشت کوردستانە، و رەنگ چەرمگ کە نشانەی ئاشتیە، و لەناوڕاس خوەر تەڵایی کە نشانەی ئازادی و رووشناییە.
یەکەم جار لە ساڵ ١٩٤٥ ئاڵای کوردستان لە بان بینای مەهاباد لە کوردستان ئیران بەرزەو کریا، و لە ساڵ ٢٠٠٩ پەرلەمان کوردستان بڕیاریگ دەرکرد کە رووژ ١٧ی کانوون یەکەم لە گشت ساڵیگ بوودە رووژ ئاڵای کوردستان.
