گیانلەدەسداین ژنیگ و زەخمداربۊن کەسیگ ترەک لە رۊداویگ هاتوچو دڵتەزن لە سلێمانی

شەفەق نیوز - سلێمانی

ژنیگ گیان لەدەسدا و کەسیگ ترەک وە سەختی زەخمدار بۊ، ئمڕوو دوشەممە، لەئەنجام رۊداویگ هاتوچو دڵتەزن لەبان ری "سیتەک - عەربەت" لە پارێزگای سلێمانی.

سەرچەوەیگ ناوخۆیی وە ئاژانس شەفەق نیوز وت، رۊداوەگە لەئەنجام لەیەکەودان سەختیگ ناوەین دوو ماشین رۊداگە، ئەوەگ بۊەسە هوکار گیانلەدەسداین ژنیگ لە شۊن رۊداوەگە و زەخمداربۊن کەسیگ ترەک وە زەخمەیل سەختیگ، بیجگە لە زیانە ماددییە گەورەیل کە وە هەردوگ ماشینەگە رەسیە.

سەرچەوەگە زیای کرد کە تیمەیل فریاکەفتن رەسینە ئەرا شۊن رۊداوەگە، و زەخمدارەگە ئەرا خەسەخانە بردنە ئەرا وەرگردن چارەسەر، لە وەختیگ تەرم قوربانییەگە ئەرا فەرمانگەی پزیشکی دادوەری کل کریا.