ئامار نوویگ.. کوشیان و خوەیکوشتن دەیان پیاوەیل لەدەس ژنەیلیان لە هەرێم کوردستان
شەفەق نیوز/ یەکێتی پیاوەیل کوردستان، ئمڕوو جمعە، راگەیان زیایبۊن تونرەفتاری ژنەیل لەبان پیاوەیلە، و توومارکردن سەدان سکاڵای پیاوەیل لەبان ژنەیلیان.
لە بەیاننامەیگ رەسیە ئاژانس شەفەق نیوز وت: ٥١ پیاو خوەیان کوشتنە و ٦ پیاو وەدەس ژنەیلیان یا وەگاڵیان کوشیانە، وە ماوەی نۆ مانگ یەکەم لەی ساڵە.
بەیاننامەگە لە زوان بورهان عەلی سەرۆک یەکێتیەگە وت" لەی ساڵە سکاڵای فرەیگ لە دەسدریژی دەرۊینی و لەشی لەبان پیاوەیل وەدەس ژنەیل رەسینە پیمان.
بەیاننامەگە وتیش: ئەو تونرەفتاریە ک پیاوەیلە کەفنە وەریان، یا جۊر لەماڵ دەرکردنە یا دەسدریژیکردن لەشیە یا دەسوەردان کەسوکارەیل ژەنەگە، یا خیانەتکاری، یا جەخت دەرۊینەلی، یا بیبەشکردن شۆیەگە لە خەرجی، یا بیبەشکردنی لە دیدار مناڵەیە بۊین.
قەیران سیاسی و ئابووری ک داگە هەرێم کوردستان هیشت تونرەفتاری هاوسەری و جیاوەبۊین خیزانەیلە زیای بوود.
