پەیام سەرۆک نێچیروان بارزانی لە جەژن قوربان

شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، داوا لە عراقی و کوردستانەیل کرد پشت وە بنەمای وەخشین و گەردنئازایی و یەکقبووڵکردن بکەن، وە بۆنەی جەژن قوربان، و ئومێد ئارامی و خوەشی لەی بۆنە خوازێد.

نێچیروان بارزانی لە پەیامەگەی جەژن قوربان وت:

وەبۆنەی گلەوخواردن جەژن قوربان پیرووژ، گەرمترین پیرووزبایی لە خانەوادە و کەسوکارەیل سەربەرز شەهیدەیل و ئەنفالکریایەیل، پێشمەرگە قارەمانەیل، هێزە ئەمنیەیلە و گشت مسوڵمانەیل کوردستان، وعراق و جهان کەم،  جەژن وەپشوویگ ئارام ئەرا گشت ئیوەیل خوازم.

ئومیدخوازم جەژنەگە وەگەرد خوەی سەقامگیری و خوەشی بارێد، کۆتایی وە دەرد و پەتا بارێد، ئەرا گشت مرۆیی ژیان ئاسایی بارێدەو و جەژن و بۆنەیەل ئایندە لە رەوشیگ خاستر گلەو بخوەن.

لەی بۆنە وە گشتی و وەتاک، خیزان و کۆمەڵگا پەیام وە ماناکان جەژن لە وەخشین و گەردنئازایی بکەیمنە بنەمایگ ئەرا پەیاکردن پێکەوەژیان و یەکترقبووڵکردن و ئاشتەوایی و گشتی وەیەکەو یەکڕز و تەبا ئەرا ئایندەی خاستر ئەرا کوردستان هاریکاری بوون.

داوا لە هاوڵاتییەیل خوەشەویست کەم وەخاتر سەڵامەتی خوەیان و ئازیزەیلیان وە تەواوی پابەند وە رینما وریکارەیل مقەیەتیکردن بوون، چەژن گشت ئیوە پیرووز بوود، گشت ساڵیگ وە خوەشی و خودای مەزن مقەیەتی گشتدان بکەێد.

نێچيرڤان بارزانى

سەرۆک هەرێم کوردستان

٢٠٢١/٧/١٩