ئاشکرای رۆڵ کوردستان و تورکیا کرد.. نێچیروان بارزانی: ئەوەگ لە سوریا رویدا سوپرایس ئەرا خود ئەحمەد شەرعیش بوی
شەفەق نیوز/ نێچیروان بارزانی سەرۆک هەرێم کوردستان، باس نیگەرانی لەباوەت رەوشەیل کورد لە شار حەلەب کرد، و دووپاتیش کرد کە سەرکردایەتی کورد و تورکیا رۆڵیگ گرنگ لەی باوەتە رانینە.
بارزانی لە دانیشتن گفتوگۆ لە پەراویز کۆڕبەند ناودەوڵەتی هەولێر، کە ناوەند روداو ڕێکی خست، وت: هەرێم کوردستان لە خوەیەو چگە پیری پشتگیریکردن کورد لە حەلەب جویر ئەرکیگ، و سوپاس لە لایەن تورکی ئەرا ئی پشتگیریکردنە کرد.
لە قسەیلی لەباوەت گەشەیل مەیدانی لە سوریا، بارزانی وت: ئەوەگ لە سوریا رویدا سوپرایس ئەرا خود ئەحمەد شەرعیش بوی.
وتیش: پلان ئەرا ئۆپراسیۆنیگ سنووردار لە حەلەب بوی، وەلێ شکیان سەربازی هیشت هیزەیل وەرەو دیمەشق بچن.
بارزانی هوشداری لە ئەنجام پشتبەسین وە مەرکەزیەت حکومڕانی لە سوریا دا، و ئی ریڕەویە ئەگەر گشت لایەنەیل نەگرێدەو نبەڕەسێدە سەرکەفتن.
وتیش: هەرێم کوردستان وەردەوامە لە تەقەلایل دەسمیەتی جویراجویر هیزەیل ئەرا رەسین وە چارەسەرییگ گشتگیر لە چوارچیوەی سوری.
