کازمی و نێچیروان بارزانی ڕازی نیین عراق بکریەێدە مەیدان یەکلاوەکردن توڵەیل هەرێمی
شەفەق نیوز/ موستەفا کازمی سەرۆک وەزیرەیل فیدراڵی، و نێچیروان بارزانی سەرۆک هەرێم کوردستان، ئمڕوو دووشەممە، دووپات لە پابەندبوون عراق و هەرێم کوردستان کردن وە پەیوەندیەیل خاس هاوسایەتی، و زەویەیل عراق نەوونە سەرچەوی هەڕەشەداین دەوڵەتەیل هاوسا.
ئەوەیش لە چەوپیکەفتنیگ لە شار هەولێر پایتەخت هەرێم کوردستان گردیانەو کرد، لە پەراویز سەردان کازمی ئەرا هەرێم کوردستان.
وەگورەی بەیاننامەی سەرۆکایەتی هەرێم کوردستان ک رەسیە ئاژانس شەفەق نیوز: لە دیدارەگە باس نووەوبویەیل کار سیاسی کریا، هەمیش باس تەقەلایل حکومەت فیدراڵی و هەرێم کوردستان ئەرا نزیکەوکردن نووڕینەیل ناوبەین لایەنەیل سیاسی، و مقەیەتیکردن ئاشتەوایی کۆمەڵایەتی، و وەخوەیگردن گفتوگۆ جویر تەنیا رییگ ئەرا بەرهەمکردن چارەسەریەیل.
هەردوگ لایەنەگە جەخت کردن ک خوین و گیان عراقیەیل و مقەیەتیکردن دارایی و ماڵداری گشتی و تایبەت خوازین و ئامانجە لە خود وەختەگە، و دووپات کردن ک داوای هاوکاری وەرد هیزە ئەمنیەیلە و ئاسانکردن جیوەجیکردن ئەرکیان لە گشتی کریاگە، ئەرا مقەیەتیکردن ئاسایش و ئارامی عراق.
هەردوگ لایەنەگە باس گەشەیل ئەمنی دویایین کردن و ئامانجکردن ناوچەیلیگ لە هەرێم کوردستان، و دووپات لە گرنگی ریزگردن لە سەروەری عراق کردن، و رەتکردن ئەوە کردن ک عراق بوودە مەیدانیت ئەرا یەکلاوەکردن توڵەیل هەرێمی، و دووپات لە پابەندبوین عراق و هەرێم کوردستان کردن وە پەیوەندیەیل خاس هاوسایەتی، و زەویەیل عراق نەوونە سەرچەوی هەڕەشەداین دەوڵەتەیل هاوسا.
