پارتی: هیزەیلیگ ئەمنی ٢٤ ئاوای کورد لە دەوروگەرد خانەقین بی چەک کردن
شەفەق نیوز/ پارت دیموکرات کوردستان/ نویسینگەی رێکخستن ١٥ لە دیالە، ئمڕوو یەکشەممە، ئاشکرای ئەوە کرد ک هیزەیلیگ ئەمنی چەک لە ٢٤ ئاوای لە دەوروگەرد قەزای خانەقین بردنە، و هوشداری لە کاریگەری ئەمنی خراویگ لەو ئاوایەیلە دا.
شێرکۆ تەوفیق وەرپرس راگەیانن حزبەگە ئەرا ئاژانس شەفەق نیوز وت: هیزەیلیگ لە ئۆپراسیۆن دیالە و پۆلیس و حەشد چینە ناو ٢٤ ئاوای کورد وەمینەی داواکریایل، و ئیمە پشتگیری لەوە کەیمن، و دەس نەیمنە بان دەس دەزگا ئەمنییەیلە، باوجی ریکارەیل رخبەریگ جیوەجی کردن، ک هەڕەشەی خەڵکەگە دەێد، هەنای زیاتر لە ٢٠٠ چەک لە خەڵکەگە بردن، ک ئەوانە چەک خەڵکە سادە و شوانەیلە بوین ئەرا نواگردن داعش لە ئاوایەیل خانەقین ک لەڕوی ئاسایش چووڵن، و بوین ئەمنی لەناویان نییە.
تەوفیق داوا لە هیزە ئەمنییەیلە کرد سەر مار تیرۆر لە ناوچەیل باکوور جەلەولا و دەورگرد قەرەتەپە بووڕن ک حەشارگەی ئەندامەیل داعش لەورا هەس، مینەی دەرفەتیگ ئەرا پەلامارەیل غەداریان کەن.
و پرسیار کرد، ئایا ئەرا چەک قورس و ناوڕاس لە بەشیگ لە هووزەیل باشوور نیەکیشنەو ک هەڕەشەی ئاسایش کۆمەلایەتی دەن، و هۊچ هەڕەشەیگ ئەمنی لەو پارێزگایلە نییە، و هاووڵاتییەل لە دەوروگەرد خانەقین وەبی چەک ئاسانیگیش مینن ک مقەیتی گیان خوەیان و خیزانیان لە رخ تیرۆری وەردەوامیگ وەپی کەن؟.
وەرپرس راگەیانن پارتی جەخت کرد لە گرنگی بتەوکردن بڕوایی ناوبەین هاووڵاتی و دەزگا ئەمنییەیلە، و رەسانن دەس دەسمیەتی ئەرا هاووڵاتی لە نواگردن رخ تیرۆر چ لە چەکدارکردن یا هاوکاری زانیاری.
