پارتی: یە ١٧ ساڵە ناوچە دابڕیایەکان لە جەژن بیبەشن
شەفەق نیوز/ ناوەند رێکخستن پارت دیموکرات کوردستان لە دیالە، ئمڕوو چوارشەممە، داد لە بیبەشی ناوچە دابڕیایەکان لە جەژنەیل کرد، لەوەر پشتگوشخستن دیموگراڤی ئەرا کورد لە ماوەی ١٧ ساڵ.
شێرکۆ تەوفیق وەرپرس ناوەندەگە ئەرا ئاژانس شەفەق نیوز وت: ناوچە کوردستانیەیلە لە دەیشت هەرێم (خانەقین و دەورگردی) وەگەرد ناوچەیلیگ تر لە شەنگال تا دووز تا رەسێدە سنوور دیالە، ئەرا ماوەی ١٧ ساڵە لە پشتگووشخستن نەتەوەیی دژوە کورد و پاپا نەوین وە ئاسایش ناوچە دابڕیایەکان و زاڵبوین جیماگەیل و پشتکیرەیل قاعیدە و داعش وەگەرد دەسوەردان هەرێمی لەو ناوچەیلە لە خوەشی جەژن بیبەش بوینە.
وتیش؛ ئەو ناوچەیلا لە هەر کاریگ ئاوەدانی راسی وەگورەی ئەو ناوچەو پارێگایل تر بیبەشن، وەگەرد سیاسەت ئاڵشتکردن دیموگراڤی و دەسناین وەبان زەویەیل کورد و ناچار بارکردنیان لەماوەی ئەو ساڵەیل گوزەیشتە.
تەوفیق وتیش؛ دڵخوەشی کورد وە گلەوخواردن مافەیلیان لە دیالە و ئەو پارێزگایل تر تەنیا یەک ساڵ بوی لە دویای رمانن رژیم وەرین، تا زنجیرەی تیرۆر نەتەوەیی و تەعریب هاتەو ک لە شەسەیل سەدەی گوزەیشتە رژیم بەعس توێەمەگەی دانا.
وتیش؛ کەشوهەوای جەژن لە خانەقین نەماگە، و نێڕەسێدە ئاست خوازین و مافەیل پێکهاتەی کورد و ئەو پێکهاتەیلەی تر لەوەر نەمان پلانەیل ئاوەدانکردنەوە وئەوزەڵکردن لەبان ئەو بوودجە و سامانەیلە ک لە بوودجەیل فیدڕالی لەو دەورەیل حکومەتی وەرینە تەرخان کریان.
وەرپرس رێکخستن پارت دیموکرات کوردستان دیاری کرد ک ئارەزووەیل جەماوەری و فەرمی و هووزانە لە چەن ساڵیگ هەس وەگورەی رەوانگەی و ریفراندۆمەیلیگ، تا دیالە بکەفێدە ژیر ئیدارەی هەرێم، و ئەزموون و پڕۆژەیل ئاوەدانکردنەوە لە پارێزگایل هەرێم کوردستان لەبان دیالە و ناوچەیل بیبەش و ویرانەیلی گشتگیر بوود
تەوفیق هەمیش وت: گەورەترین زەرەد لە سیاسەتەیل پشتگوشخستن و تیرۆر رەسیە پێکهاتەی کورد، و وەپاڵپشتی هەرێمی و دەسوەردانەیلیگ جووراجور ک ئی ناوچەیل کوردستانیە لە دەیشت هەرێم کردە خراوەی خزمەتگوزاری و سیاسی.
