کارەبای کوردستان گلەوداین تەوژم "هەولێر - دهۆک" دۊای ئاگر وێستگەی کوێرکۆسک راگەیەنێد
شەفەق نیوز- هەولێر
وەزارەت کارەبا لە هەرێم کوردستان، رووژ چوارشەممە، خەوەردا لە گلەوداین رەوش سیستم کارەبا ئەرا سروشت خوەی دۊای ئاگریگ کە دۊشەو لەناو وێستگەی کوێرکۆسک لە هەولێر هیز گرد، و بۊە مدوو سزیان موحەویلە سەرەکییەگە و بڕیان تەوژمەگە لەناوەین هەولێر و دهۆک.
وەزارەتەگە لە بەیاننامەیگ رەسیە ئاژانس شەفەق نیوز، خەوەردا کە ئاگرەگە هەمیش بۊە مدوو دەرچگن چەن یەکەیگ لە وێستگەیل بەرهەمهاوردن کارەبا لە کارکردن، و دیاری کرد کە تیمەیل خاسەوکردن لە وێستگەیل، وە هەماهەنگی وەگەرد سەنتەر کۆنترۆڵکردن کارەبا لە هەرێم، تۊنستن رەوشەگە ئەرا سروشت خوەی گلەو بیەەن.
هەمیش وت کە تیمەیل خاسەوکردن لە ئیسە کار لەبان چاککردن موحەویلە زەرەدمەنەگە کەن، و دیاری کرد کە تا وەخت تەواوکردن کارەیل خاسەوکردن، کلکردم ئەو (فیدەرەیلە) کە گریەدارن وەپیەوە ئەرا موحەویلەیلیگ ترەک کل کریەێد.
