کارەبای هەرێم دابەشکرن وزەگە کەمەو کەێد
شەفەق نیوز/ وەزارت کارەبا لە هەرێم کوردستان، ئمڕوو یەکشەممە، راگەیان کەمەوبوین ساعەتەیل دابەشکرن وزە لەبان تووڕ نیشتمانی لە گشت ناوچە و شارەیل هەرێم کوردستان، لەوەر کەمەوبوین رێژەی گازەگە لە ویستگەی خۆرمەڵە و وسانن دوو ویستکەی گازی تر لەوەر گرفتەیلیگ هونەری.
وەزارەتەگە لەبەیانامەیگ رەسیە ئاژانس شەفەق نیوز وت: لەماوەی ئی رووژەیل گوزەیشتە و لەوەر کەمەوبوین بەرهەم گاز لە ویستگەی خۆرمەڵە، و وسانن دوو ویستگەی گازی لە هەولێر لەوەر گرفتەیلیگ هونەری، رێژەی بەرهەمەگە ئەرا ٤٠٠ میگاوات داوەزیا.
بەیاننامەگە وتیش؛ یەیش وەگەرد بەرزەوبوین پلەیل گەرمی و زیایبوین لە داواکردن کارەبا تیەێد.
بەیاننامەگە وتیش؛ گیچەڵە هونەریەگە لە دوو ویستگە وسیایەگە وەی نزیکە چارەسەر کریەێد، و بڕەیل بەرهەمەیلە ئەرا جارانی تیەنەو.
وەزارەتەگە لە کۆتایی بەیاننامەگەی وت: تا مقەیەتی هاوکیشانەی ناوبەین داوا و بەرهەم کارەبا بکریەێد و بۆشایی لە دابینکردن وزەیگ زیاتر بوەسیەێد، دوا لە هاوڵاتییەیل کەیمن کەمتر کارەبا وەکار بارن و رووشنایی زیایە گەورەو بکەن.
