چاپکردن 11 کتاو لەناو پرۆژەی "شانازی میژوو" لە هەرێم کوردستان
شەفەق نیوز - هەولێر
فەرمانگەی روشنهویری و راگەیانن لە پارت دیموکرات کوردستان، ئمڕوو یەکشەممە، خەوەردا لە پرۆژەیگ ئەرا چاپکردن 11 کتاو میژوویی لەباوەت شۆڕش ئەیلول، کە بڕیارە لە ساڵ ئایەندە دەرچن، وەناو "پرۆژەی شانازی میژوو".
شوان خۆشناو، سەرۆک دەسەی هەڵسەنگاندن کتاوەیل، لە کۆنگرەیگ رووژنامەوانی کە ئاژانس شەفەق نیوز ئامادەی بۊ وت، کە پرۆژەگە ئامانج دیرێد ئەرا دووارە نۊسین ئەو لایەنەیلە کە تا ئیسە، شمارەیگ لە نۊسەرەیل و روشنهویرەیل و ئەکادیمییەیل لە کوردستان، باسیان نەکردنە، لەباوەت میژوو شۆڕش مەزن ئەیلول، دیاری کرد کە فەرمانگەی روشنهویری و راگەیانن لە پارت دیموکرات کوردستان پرۆژەیگ وە ئی ناوە دەس وەپی کردگە کە 11 کتاو لەخوەی گرێد، تا لە ماوەی ساڵ ئایەندە چاپ بکریەن.
وتیش کە کتاوەیل بەشەو بوونە بان پەنج تەوەر سەرەکی، کە شۆڕش ئەیلول لەناو بەڵگەنامە فەرمییەیل، و لەناو رووژنامە جەهانییەیل، و لەناو رووژنامە هەرێمییەیل لەخوەی گرێد، وەگەرد میژوو زارەکی چۊ بەشیگ لە رۊیداوەیل شۆڕش مەزن ئەیلول، و هەمیش وەیەکەوژیان هاوبەش ماوەی شۆڕشەگە.
لە قسەیلی وتیش کە گشت ئی تەوەرەیلە بەشیگ بوون لە پرۆژەی "شانازی میژوو"، کە نۊسەرەیل و رۊشنویرەیل و ئەکادیمییەیل لە ناوچەیل جیاجیای کوردستان و دەیشتی تۊنن بەشداری لەتی بکەن، وە مەرج پابەندبۊن وە گشت پرۆگرامە زانستییەیل، لە ناویانیش پشت بەسانن وە بەڵگەنامە فەرمییەیل، و وتن میژوو زارەکی، لە شان پێوەرە زانستییەیل پێویست ئەرا دەقە میژووییەیل.
شوان لە لایگ تر لە قسەیلی، دیاری کرد کە پرۆژەگە بەشیگ بوود لەو تەقەلایەیلە کە ئامانج دیرن ئەرا دووارە نۊسین ئی میژووە، کە نەوەیل ئیسە و ئایەندە هەوەجە وەپی دیرن ئەرا ئاشنابوین وە شۆڕش مەزن ئەیلول.
هەمیش وت کە پرۆژەگە لە ئیسەو راگەیەنریەێد، و هەر نۊسەریگ یا رۊشنویریگ یا ئەکادیمییگ کە خوەشی لە بەشداریکردن تۊنێد کارەگەی پیشکەش وە لێژنەی هەڵسەنگانن بکەێد، و دۊای ئەوە کارەیلە لەناو یەک پرۆژە گردەو بوون، تا وەیەکەو لە ماوەی ساڵ ئایەندە دەرچن.
