ئاگر لە باکوور هەولێر ماڵیگ وە تەواوی سزنێد

وەڕێوەبەرایەتیەگە لە بەیاننامەیگ وت، شەوەکی ئمڕوو خەوەردار کریانە لە سزیان ماڵیگ لە ئاوای دێلزیان سەر وە قەزای "دیانا"، لە دویای ئەوەگ تیمەیل کپەوکردن سەر وە ناوەن بەرگیری شارستانی قەزاگە روی کردنە ئەرا شوین رویداوەگە، باوجی وەداخەو ماڵەگە وە تەواوی سزیایە.

وەپای راپۆرتیگ تیمەگە، هووکارەگەی کەمتەرخەمی بویە لە وازکردن غاز بویە لە تەباخ ماڵەگە.

لە بەیاننامەگە دیاریکرد، چوارکەس لە ئەندامەیل ماڵەگە تویش  زەخمداری جیاواز بوین، و یەکیگ لە ئەندامەیل خێزانەگە سزیانەگەی سەختە، و زەرەر گەپیگ وە  کەلوپەل ماڵەگە رەسیە.