کاک حەمە باس زاقترین تەوەرەیل کۆبونەوەی نێچیرڤان بارزانی وەگەرد حزبە کوردستانیەکان کەرد

شەفەق نیوز/ حەمەی حاجی مەحمود سکرتێر حزب سۆشیالیست دیموکرات، ئمڕوو پەنجشەممە، راگەیان ک یەکێتی رزە کوردەگە و بەشداریکردن لە هەڵبژاردن عراق وەیەک لیست گرنگترین باسەیل بوی لە کۆبونەوەگەی سەرۆکایەتی هەرێم کوردستان وەگەرد حزب و لایەنە کوردستانیەکان.

کاک حەمە لە وتاریگ ئەرا رووژنامەنووسەیل لە پشت کۆبونەوەگە وەئامادەبوین پەیامنێر ئاژانس شەفەق نیوز  وت: کۆبونەوی سەرۆکایەتی هەرێم وەگەرد حزب و لایەنە کوردستانیەکان کۆبونەوەی خاسیگ بوی، وەتایبەت ک دویای ماوەیگ لە دابڕین ئەو حزبەیلە لەناو یەکتر هات.

کاک حەمە ئاماژە کرد ک کۆبونەوەگە باس چەن تەوەریگ کرد لەلیان یەکێتی رز کوردی بوی، و وتیش؛ هیچ ریگرییگ لەی باوەتە نەوی.

دەربارەی هەڵبژاردن زوینەی عراق، کاک حەمە دووپات کرد ک پێشنیار کریا گشت لایەنە کوردستانیەکان وەیەک لیست لە ناوچەکان بەشداری بکەن.