12 تويشبوين تازه وه كۆرۆنا له ناوچه‌يگ له كوردستان تۆمار كريا
2020-06-01T21:13:06+00:00
شه‌فه‌ق نيوز/ وه‌زاره‌ت ته‌ندروستى له حكومه‌ت هه‌رێم كوردستان، ئاشكراى تۆماركردن 12 حاڵه‌ت تويشبوين تازه وه ڤايرۆس كۆرۆنا كرد له ناوچه‌ى گه‌رميان.
وه‌زاره‌ته‌گه له به‌ياننامه‌يگ ئه‌را ئاژانس شه‌فه‌ق نيوز وت: 7 كه‌س له‌و تويشبويه‌يل تازه ژن و 4يش له‌ليان پياو و يه‌ك دويه‌ت، باس له‌وه‌يش كرد 9 له‌ليان وه‌ركه‌فته‌ى حاڵه‌ته‌يل وه‌رين بوينه‌و دووانيش له‌ليان نيشانه‌ى نه‌خوه‌شيه‌گه له‌لى ده‌ركه‌فتگه‌و يه‌كيگيش له‌ليان وه‌ى دوياخره له به‌غدا گله‌وخواردگه.
جى باسه، وه‌زاره‌ته‌گه هه‌ميش وت: 6 له‌و تويشبويه‌يله خه‌ڵك قه‌زاى كفرى و 4 له‌ليان خه‌ڵك قه‌زاى كه‌لار و يه‌كيگ له به‌غدا و يه‌كيگيش نيشته‌جييه له تكريت.
