چووڵوکردن بارەگای کۆمپانیایگ نەفتی لە بەسرە چوینکە کەفتیەسە بان کڕ زەویلەرزە
باسم عەبدولکەریم ناسر وە کتاویگ فەرمی ک ئاژانس شەفەق نیوز نووڕیەی وت: بڕیار ئیدارەی کۆمپانیای نەفت بەسڕە لەبان راپۆرتەیلیگ هونەری لەلایەن دەسەی پڕۆژەیل و بەش بیوەیی لە کۆمپانیاگە وەرجە زیاتر لە دوو ساڵ دەرچگە.
ناسر دووپات کرد ک بیناگە لە ئەنجام سزیانی دوو جار وەشیوەی فرە گەورەیگ و ئەرا زیاتر لە دوو ساعەت زەرەد وەپی رەسیە، کەرەستەیل بیناسازی ناوی خراو کرد، و ژیرزەمینەی بیناگەیش کەفتیەسە وەر نزەکردن ئاو ئەرا ماوەیل درویژیگ و تا بەرزی زیاتر لە ٥٠ سانتیمەت، ک بنەڕەت کۆنکریتی بیناگە خراو کرد.
وتیش: لە رکداری کۆمپانیاگە ئەرا مقیەتیکردن بیوەیی گیان ئەندامەیلی، و جویر ریکاریگ یاسایی، و لەوەر کەفتن عراق وەبان کڕ تەکانەیل زەویلەرزە، تایبەت دویای زەویلەرزەی دویاییە لە تورکیا و سوریا، ئیدارەی کۆمپانیاگە بڕیار چووڵوکردن تەنیا بینای زەقورە و باڵەیلی دا، نەگ بارەگای باب زوبێر جویر ئەوەگ باسی کەن.
