وه‌زيريگ: چوار مليۆن كارگه‌ر له عراق له خانه‌نشينى بيبه‌شن
2020-06-09T11:06:19+00:00
شه‌فه‌ق نيوز/ عادل ركابى وه‌زير كار و كاروبار كۆمه‌ڵايه‌تى، ئاشكراى ئه‌وه كرد نزيكه‌ى 4 مليۆن كارگه‌ر له كه‌رت تايبه‌ت عراقى ماف خانه‌نشينى و بيمه‌ى كۆمه‌ڵايه‌تى نه‌يرن.
ركابى له لێدوانيگ ئه‌را رووژنامه‌ى سه‌باح نيمچه فه‌رمى ك ئاژانس شه‌فه‌ق نيوز ئاگادارى بوێ وت: نزيكه‌ى 4 مليۆن كارگه‌ر عراقى كار له كه‌رت تايبه‌ت ئه‌كه‌ن و ماف ياساى خانه‌نشينى و بيمه‌ى كۆمه‌ڵايه‌تى نه‌يرن و هويچ رێ وشوونيگ له‌ى باوه‌ته‌و ئه‌رايان له‌وه‌ر نه‌گريرياگه.
باس له‌وه‌يش كرد وه‌زاره‌ته‌گه وه‌ى نزيكه‌يله هه‌ڵمه‌تيگ ئه‌را زه‌مانه‌تكردن ماف كارگه‌ره‌يل ئه‌نجام ئه‌يه‌ێد و ليژنه له‌و باوه‌ته‌و دامه‌زرنێد وه‌ل مراجعه‌تكردن گشت ياسايه‌يل وه‌زاره‌ته‌گه‌و ده‌سه‌يل په‌يوه‌س وه‌پيه‌و له‌وه‌ر چاره‌سه‌ر ماف هاووڵاتيه‌يل.
