وه‌زاره‌ت وه‌رگرى ئاگادارييگ ئه‌را ئه‌و كه‌سه‌يله دا گريه‌به‌سه‌يليان هه‌ڵوه‌شرياسه‌و له سوپا
شه‌فه‌ق نيوز/ وه‌زاره‌ت وه‌رگرى داوا له‌گشت ئه‌و كه‌سه‌يله كرد گريه‌به‌سه‌يليان هه‌ڵوه‌شرياسه‌و له سوپاى عراقى له 10ى حزه‌يران 2014 وه‌ره‌و ژويه‌ر, ده‌سوه‌جێ په‌يوه‌ندى وه يه‌كه‌يل سه‌ربازييانه‌و بكه‌ن.
وه‌گووره‌ى به‌ياننامه‌ى وه‌زاره‌ته‌گه، له حاڵه‌تيگ ئه‌گه‌ر يه‌كه‌يل سه‌ربازى وه‌رينيان نه‌مه‌ندوێد ئه‌تويه‌نن په‌يوه‌ندى وه يه‌كه‌يل تازه‌يگ بكه‌ن وه‌گووره‌ى ئه‌و خشته ك دانرياگه، وه‌لێ باقى سنفه‌يل تر چه‌ك بايه‌سه په‌يوه‌ندى وه باره‌گايه‌يل سه‌ركردايه‌تى(ئاسمانى، ده‌ريايى، ته‌ياره‌وانى سوپا، وه‌رگرى ئاسمانى)ه‌و بكه‌ن.
يه‌يش ئه‌و سه‌ركردايه‌تيه‌يله تازه‌سه ك دامه‌زريانه:
1- تيم پياده‌ى دويه‌م تيم پياده‌ى 16 پاريزگاى نه‌ينه‌وا
2- تيم پياده‌ى سێيه‌م تيم پياده‌ى 15 پاريزگاى نه‌ينه‌وا
3- تيم پياده‌ى چواره‌م تيم پياده‌ى 20 پاريزگاى نه‌ينه‌وا
4- تيم پياده‌ى 12 تيم پياده‌ى 14 قه‌زاى خورماتوو
5- تيم پياده‌ى 18 تيم پياده‌ى يه‌كه‌م پاريزگاى ئه‌نبار
