پولیس بابل بکوش پارێزەریگ دەسگیرکەێد لە هەرێم کوردستان

راگەیانن فەرماندەییەگە لە بەیاننامەیگ رەسیە ئاژانس شەفەق نیوز وت، "مەفرەزەیل بەش دژە تاوانەیل و وەڕێوەبەرایەتی هەواڵگێری و دژە تیرۆر بابل و بەش تەکنیکی و زانیاری بابل و دەزگای ئەمن نیشتیمانی لە بابل توەنستنە تاوانبارەگە دەسگیربکەن کە پارێزەر عەمار حاتەم وە گولەی دەوانچە کوشت وە مدوو وەردەوردیگ لەبان نرخ فروشتن سەنین و فروشتن پارچە زەویگ لەشار حلە".

دیاریکرد"ئۆپراسیۆنەگە لەدویای توومار و وەدویاچگن و وەشوین کەفتنی وەردەوامی هات ئەرا ماوەی چەن رووژیگ لە ئەنجام توومەتبار لە هەرێم کوردستان دەسگیرکریا وە هەماهەنگی وەگەرد دەزگا ئەمنیەیل هەرێم".

لە بەیاننامەگە دووپاتکرد "رێکارەیل یاسایی پێویست گیریایە ئەرا رەسانن توومەتبارەگە ئەرا پارێزگای بابل ئەرا وەردەو دادگا تا سزای دادپەروەرانەی خوەی وەربگرێد".