کوشیان و زەخمداری وە رویداویگ هاتوچو لە سەڵاحەدین
2022-10-27T13:49:35+00:00
شەفەق نیوز/ سەرچەوەیگ ئەمنی لە سەڵاحەدین، ئمڕوو پەنجشەممە، خەوەردا لە کوشیان رانندەی پاسیگ و زەخمداری چەن کەسیگ وە رویداو لەیەکدان لەبان ری دەیشتەکی.
سەرچەوەگە ئەرا ئاژانس شەفەق نیوز وت: رانندەی پاسیگ گیانی لەدەسدا، و کەسەیلیگ زەخمدار بوین، لەو رویداوە ک لەبان ری سەڵاحەدین- کەرکوک نزیک چواڕیاژ ئامرلی رویدا.
وتیش: تەرم قوربانیەگە ئەرا پزیشک دادوەری کلکریایە، و زەخمدارەیل ئەرا خەسخانە بریان، و دەسەڵاتەیل هاتوچو لێکۆڵینەوە لە رویداوەگە واز کردن.
