کوشیان و زەخمداری ٨ مەدەنی وە دوو رۊداگ جیاجیا لە سەڵاحەدین

شەفەق نیوز/ سەرچەوەیگ ئەمنی لە سەڵاحەدین، ئمڕوو پەنجشەممە، خەوەردا لە کوشیان پەنج و زەخمداری ٨ مەدەنی، وە دوو رۊداگ جیاجیا لەبان ری بێجی – تکریت.   

سەرچەوەگە ئەرا ئاژانس شەفەق نیوز وت: پەنج مەدەنی کوشیان، و شەشەماین زەخمدار بۊ، لەوەر لەیەکداین ماشینیگ مارکەی چارجور وەگەرد ماشینیگ تر لەبان ری بێجی – تکریت، نزیک فەرماندەی ئۆپراسیۆنەیل سەڵاحەدین.    

وتیش: ماشینەیل فریاکەفتن قوربانی و زەخمدارەیلە رەساننە خەسەخانە، و دەسەڵاتەیل هاتوچو ریکارەیل خوەیان کردن.  

لە رۊداگیگ تر، لەبان خود ریەگە، دوو مەدەنی لەوەر لەیەکدان دوو ماشین نزیک ناوچەی بوجواری دەورگرد قەزای بێجی زەخمدار بۊن.