کوشیان ٤ کەس و زەخمداری ٥ کەسیش وە دوو رویداو هاتوچو لە زیقار
2023-06-28T08:45:09+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو چوارشەممە، خەوەردا لە کوشیان و زەخمداری ٩ کەس وە دوو رویداو هاتوچو لە باشوور و خوەرھەڵات شار ناسریە.
سەرچەوەگە ئەرا ئاژانس شەفەق نیوز وت: پیاییگ لەناو تەمەن شەس ساڵە، لە ئەنجام پلیان ماشینەگەی مارکەی (باجیرۆ) لەبان ری گشتی نزیک مەزارگای (سەید خزر) باشوور شار ناسریە گیانی لەدەسدا.
سەرچەوەگە وتیش: رویداویگ هاتوچو ناوبەین دوو ماشین لەبان ری گشتی لە قەزای ئیسلام خوەرھەڵات شار ناسریە بویە هوکار کوشیان ٣ کەس وەکوتپڕ، ئەندامیگ ئەمنی هاناویان، و ٥ کەسیش زەخمدار بوین، یەکیگیان زەخمداریی سەختە، و دیاری کرد ک تەرمەگە ئەرا پزشک دادوەری بریا، و زەخمدارەیل ئەرا خەسەخانەی تورکی بریان.
