کوشیان کەسیگ و زەخمداری براگەی وە مرافەیگ چەکدار و دراوردن تەرمیگ لە چەم دیجلەی بەغداد
شەفەق نیوز/ سەرچەوەیگ ئەمنی لە پارێزگای نەجەف، ئمڕوو شەممە، خەوەردا لە قومیان مرافەیگ چەکدار لەناوڕاس پارێزگاگە، ک بویە هووکار کوشیان و زەخمداری دوو کەس.
سەرچەوەگە ئەرا ئاژانس شەفەق نیوز وت: مرافەیگ چەکدار کەفتە ناوبەین هاوسایلیگ لە ناوچەی حەی شورتە ناوڕاس شار نەجەف، بویە هووکار کوشیان کەسیگ وە کوتپڕ و زەخمداری براگەی وە سەختی.
سەرچەوەگە دیاری کرد ک هیزیگ ئەمنی رەسیە شوین رویداوەگە و تەرمەگە ئەرا پزشک دادوەری برد، و زەخمدارەگە ئەرا نزیکترین خەسەخانە، و دەسکردە مینەکردن ئەو تاوانکارەیلە، ک وەرەو شوین نادیاریگ واینە.
هەرلیوا، سەرچەوەیگ ئەمنی وت: هیزیگ ئەمنی تەرم پیاوی لە چەم دیجلە لە خوار پیەڵ جمهوریە ناوڕاس بەغداد پایتەخت دراورد.
سەرچەوەگە وتیش: تەرمەگە هویچ زەخمیگ وەپی دیاری نییە، و تەرمەگە ئەرا پزشک دادوەری بریا تا بناسیەێد و بڕەسنە بندروس مردنی.
