کوشیان ٤ کەس ژن و مناڵیگ هاناویان وو رویداوەیلیگ جیاجیا لە سلێمانی و دیالە
شەفەق نیوز/ دوو کەس لە وەکارخەرەیل موەلیدەی کارەبا لە پارێزگای سلێمانی لە هەرێم کوردستان زوە تەزیان کارەبا گیانیان لەدەسدان، لە وەختیگ ژن و مناڵیگ وە دوو رویداو جیاجیا لە دیالە مردن.
سامان نادر وەڕیەوبەر بنکەی فریاکەفتن لە سلێمانی ئەرا ئاژانس شەفەق نیوز وت: دوو کەس لە وەکارخەرەیل موەلیدەی کارەبا، دویەشەو، گیانیان لەدەسدان، یەکیگیان لە گەڕەک کوردسات، و ئەوەکە لە گەڕەک بەختیاری.
دیاری کرد ک ئەو دوو کراکارە ک مردنە، یەکیگیان لە تەمەن ٣٥ ساڵ، و ئەوەکە لە تەمەن ٣٢ ساڵ بویە.
لە دیالە، سەرچەوەیگ ئەمنی خەوەردار لە کوشیان ژنیگ کەیوانوو وە رویداویگ تلیان، و کوشیان مناڵیگ وە رویداویگ خنکیان لە پارێزگاگە.
سەرچەوەگە ئەرا ئاژانس شەفەق نیوز وت: کەیوانوویگ مەوقەی رەدکردنی لە جادەی ری بەغداد – کەرکوک وەردەم دەروازەی ناوچەی مەنسوریەت شەت، کەفتە وەر تلیان ماشین تونیگ، ک وەکوتپڕ گیانی لەدەسدا.
وتیش: مناڵیگ لەناو گوڵەم ئاویگ لە یەکیگ لە ئاوایەیل ناحیەی محمد سەکران خنکیا، و گیانی لەدەسدا.
