کوشیان دوو برا وزەخمداری کەسیگ وە رویداویگ هاتوچو لەبان ری مووسڵ – شێخان

شەفەق نیوز/ وەڕێەوبەرایەتی هاتوچو لە قەزای شێخان، ئمڕوو شەممە، کوشیان دوو کەس وزەخمداری کەسیگتر راگەیان، ئەوەیش وە رویداویگ هاتوچو ناوبەین بارهەڵگریگ و ماشینیگ. 

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: رویداوەگە لەبان ری سەرەکی لە قەزاگە بوی لە ناحیەی کلکچی ناوبەین بارهەڵگریگ و ماشینیگ.   

لەلای خوەییش، سەرچەوەیگ ئەمنی لە پارێزگای نەینەوا، ئەرا ئاژانس شەفەق نیوز وت: رویداوەگە ئمڕوو کەفتە ناوبەین ماشینیگ ساڵۆن و بارهەڵگریگ لەبان ری مووسڵ-شێخان، ک بویە هووکار کوشیان دوو برا خەڵک ئاوای خورسیبات لە قەزای شێخان، ک ئەرا کار چیژە، و کەسیگ تریش زەخمدار بوی. 

سەرچەوەگە وتیش: هیزیگ ئەمنی زەخمدارەگە رەسانە خەسخانەی نزیکیگ، وتەرم دوو قوربانیەگە رەسانە پزشک دادوەری، و لێکۆڵینەوە لە رویداوەگە واز کرد.