کوشیان خیزانیگ وە رویداویگ هاتوچو مەوقەی گلەوخواردنیان لە بازی تووپان عراق و ئەندەنووسیا
2023-11-17T09:30:53+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو جمعە، خەوەردا کە کەسەیل خیزانیگ وە تەواوی وە رویداویگ هاتوچو دڵتەزن گیانیان لەدەس دان، دویای گلەوخواردنیان لە بازی تووپان عراق و ئەندەنووسیا.
سەرچەوەگە ئەرا ئاژانس شەفەق نیوز وت: خیزانیگ وە تەواوی کە ٥ کەس بوینە (ژن و شوی و سێ مناڵیان) وە رویداویگ هاتوچو لەبان ری ناودەوڵەتی ناوەین زیقار و بەسرە گیانیان لەدەس دان.
سەرچەوەگە دیاری کرد کە خیزانەکەی لە بازی تووپان عراق و ئەندەنووسیا و وەسەربردن وەخت خوەشیگ لە بەسرە گلەو خواردنە، وتیش : هیزیگ ئەمنی و پزشکی تەرمەیل ئەرا پزشک دادوەری برد.
