کوشیان چالاکوانیگ (سەدری) دویای رفیانی لە بابل
2024-02-19T09:04:03+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە کوشیان چالاکوان و نویسەریگ لەبان سۆشیال میدیا لە لایەنگرەیل رەوت سەدر دویای رفیانی دویەکە لە پارێزگای بابل.
سەرچەوەگە ئەرا ئاژانس شەفەق نیوز وت: چالاکوان سەدری ئەیسەر خەفاجی دویای رفیانی لە نیمەڕوو دویەکە لە بابل کوشیا.
دیاری کرد کە شەوەکی ئمڕوو تەرمەگەی لەبان ری ناودەوڵەتی پەیا کریا.
دویەکە یەکشەممە، سەرچەوەیل ئەمنی خەوەردان لە رفیان خەفاجی لە بابل، کە چالاکوانیگ سەروە روت سەدریە، و کار لە راگەیانن سەرایا سەلام سەروە رەوت سەدر کار کەێد.
دویای رفیانی دویەکە، ناوچەیلیگ لە پارێزگای بابل ئامادەباشی و بڵاوبوین ئەندامەیل سەرایا سەلام وەخوەی دی.
