ئەور و داوەزیان پلەی گەرمی.. کەشوهەوای عراق لەی چوار رووژ بانانە
2023-04-29T07:16:51+00:00
شەفەق نیوز/ دەسەی کەشناسی عراق، ئمڕوو شەممە، مەزەنەی کەشوهەوای وڵاتەگە لەی رووژەیل بانانە کرد، و باس داوەزین پلەی گەرمی لە سووەو کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو یەکشەممە رووشنە وەگەرد لەکە ئەوریگ لە ناوچەیل ناوڕاس و باشوور، و لە باکوور نیمچە ئەورە، پلەی گەرمی لە گشت وڵاتەگە کەمیگ داوەزێد.
وتیش: رووژ دووشەممە، رووشنە وەگەرد لەکە ئەوریگ لە ناوچەیل ناوڕاس و باشوور، و لە ناوچەی باکوور نیمچە ئەورە، پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە ناوچەی باشوور کەمیگ داوەزێد.
لە رووژ سێشەممە، کەشوهەوای وڵاتەگە وەگشتی رووشنە وەگەرد لەکە ئەوریگ، و پلەی گەرمی نزیک رووژ وەرجە خوەیە.
وتیش: کەشوهەوای رووژ چوارشەممەی ئایندە لە گشت ناوچەیل وڵاتەگە، رووشنە وەگەرد لەکە ئەوریگ، و پلەی گەرمی کەمیگ بەرزەو بوود.
