واران و گرمەهڕ و ئاڵشتکارییگ پایزیی زۊ لە کەرکوک
شەفەق نیوز - کەرکوک
پارێزگای کەرکوک، ئمڕوو جمعە، وارین یەکەمین نمەیل واران ئەرا وەرز ئیسە وەخوەیەو دی، هاوەخت وەرد گرمەهەر تونیگ، لە رەوشیگ کەشوهەوای سەرنجڕاکێش کە هاوەخت بۊ وەرد داوەزین پلەیل گەرمی و ئاڵشتکاری کەشوهەوا وە شیوەیگ پلە وە پلە وەرەو سروشت پایزی.
سەرچەوەیگ لە فەرمانگەی کەشناسی لە کەرکوک، ئەرا ئاژانس شەفەق نیوز وت، کە "ئاسمان پارێزگاگە وارین واران تومار کرد هاوەخت وەرد گرمەهڕ، و یەیش رەوشیگە لە ساڵەیلەو لەی وەختە لە ساڵەگە نەیمنەسەی".
دیاری کرد کە شایەت ئی کەشوهەوای ئیسە نیشانەیگ بوود لەبان وەرز وارانییگ خاس، وەلی هەڵسەنگاندن وەرزەگە هەوەجە وە وەدۊاچگن پیشهاتەیل کەشوهەوا دیرێد ماوەی مانگەیل ئاییندە.
دەسەی کەشناسی عراقی ئیوارەی دۊکە پەنجشەممە خەوەر داۊد، لە پاڵداین بارستەیگ وای ناوەنجی گەرمی لە لای خوەرئاواوە، کە کاریگەرییەیلی ئمڕوو جمعە دەس وەپی کەێد، کە وایگ ناوەنجی لە باکوور خوەرئاواو وەردی تیەێد و لە ماوەیلیگ گورجەو بوود، و خێراییەگەی رەسێدە نزیکەی 45 کم/سەعات.
دەسەگە لە بەیاننامەیگ رەسیە ئاژانس شەفەق نیوز، وت کە چالاکبۊن وا، وە تایبەت لە ناوچە بیاوانییەیل لە خوەرئاوای وڵاتەگە و باکوور خوەرئاوا، شایەت بوودە مدوو هەڵکردن تەپوتووز و خاک و داوەزین مەودای نووڕستن ئاسوویی، لە شان جیاوازی تونی کاریگەرییەگە وەپەی تونی وا و سروشت روی زەوی.
وتیش کە بارستە واییەگە هاوەختە وەرد داوەزین پلەیل گەرمی وە وەراورد وەرد رووژەیل گوزەشتە، تا کەشوهەوا ناوەنجیتر بوود، لە شان مەیلکردنی ئەرا سەردی ماوەی سەعاتەیل شەو و شەوەکی زۊ، لە وەختیگ رووژانە وەشیوەیگ ریژەیی گەرمە لە فرەی شارەیل و ناوەنجییە لە ناوچەی باکوور.
دەسەگە دیاری کرد کە رەوش کەشوهەوا نۊنەرایەتی ئاڵشتکارییگ پلە وە پلە کەێد وەرەو کەشوهەوایگ پایزی ئاشکراتر، و وە تایبەت ماوەی سەعاتەیل شەو و شەوەکی زۊ.
