واران و تەم.. کەشوهەوای عراق لەی چوار رووژ بانانە
دەسەگە لە بەیاننامەیگ رەسیە ئاژانس شەفەق نیوز وت: سوو یەکشەممە لە ناوچەی ناوڕاس نیمچە ئەورە و جاروباریش ئەور تەواوە وەگەرد دەرفەت نمە وارانیگ، و پلەی گەرمی نزیک رووژ وەرجە خوەیە، و لەناوچەی باشوور رووشنە تا نیمچە ئەورە، و پلەی گەرمی کەمیگ بەرزەو بوود.
وتیش: رووژ دووشەممە، لە ناوچەی ناوڕاس رووشنە وەگەرد لەکە ئەور، مەوقەی شەوەکی زوی تەم دروس بوود کەمکەم نیەمینێد، و لە ناوچەی باکوور رووشنە تا نیمچە ئەورە وەگەرد نمە وارانیگ لە چەن شوینیگ، و مەوقەی شەوەکی زوی تەم دروس بوود کەمکەم نیەمینێد، و لە ناوچەی باشوور رووشنە وەگەرد لەکە ئەوریگ، و پلەی گەرمی کەمیگ لە گشت وڵاتەگە بەرزەو بوود.
وتیش: رووژ سێشەممە، لە ناوچەی ناوڕاس و باشوور رووشنە، و لە ناوچەی باکوور رووشنە وەگەرد لەکە ئەورە، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە دیاری کرد کە کەشوهەوای وڵاتەگە ئەرا رووژ چوارشەممەی ئایندە، لە ناوچەی ناوڕاس و باکوور رووشنە، و لە ناوچەی باشوور رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
