وە هووکار نادیاریگ.. قەیران "غاز ئاشکردن" دەێد لە شار موسڵ ئەرا سێیەم هەفتە وەبان یەک
2024-04-01T14:38:33+00:00
شەفەق نیوز/ هاوڵاتیەیل شار موسڵ ناوەن پارێزگای نەینەوا، ئمڕوو دووشەممە، دادکردن لە بەرزەوبوین وەردەوام نرخ قنیلەی غاز ئاشکردن لە شارەگە ئەرا ماوەی سێیەم هەفتە وەبان یەک.
پەیامنێر ئاژانس شەفەق نیوز وت، لە موسڵ قەیران غاز هەس و نرخ قنیلەیگ 12 هەزار دینار رەدکەێد و فرە کەمیشە، وتیش قەیرانەگە پا نێدە ناو سێیەم هەفتە وەبی ئەوەی هووکارەگەی دیاربوود.
نزیکەی 16 رووژە رەدبوود وەبان بەرزەوبوین گەپیگ نرخ غاز کە نرخ هەر قنیلەیگ ئەرا 12 هەزار دینار بەرزەوبویە لەوەختیگ نرخ فروشتن قنیلەیگ لە وەزارەت نەفت پەنج هەزار دینارە.
هەرچەن یە دوو هەفتەس وەبان قەیران رەدبوود هویچ کەس لە دانشتگەیل هووکارەگەی نیەزانن، لەناو بی دەنگی حکومی لە فەرمانگەی بەشەوکردن پێکهاتەیل نەفتی.
