وینە.. وەرگری شارستانی ئاگر کۆمەڵگەیگ بازرگانی لە کەربەلا کپەو کەێد

شەفەق نیوز/ تیمەیل وەرگری شارستانی لە کەربەلا، ئمڕوو یەکشەممە، سەرکەفتن لە کپەوکردن ئاگریگ لەناو کۆمەڵگەیگ بازرگانی ئەرا فرووشتن ئامێر کارەبایی لەناوڕاس پارێزگاگە وەدەس هاورد.   

وەڕێەوبەرایەتی وەرگری شارستانی لە بەیاننامیگ رەسیە ئاژانس شەفەق نیوز وت: ٢٠ تیم ئاگرکپەوکردن وەگەرد ماشین پاچینەیگ بەشداری کردن لە کپەوکردن ئاگریگ لەناو کۆمەڵگەیگ بازرگانی بوین، ک دوکانەیل فرووشتن ئامێر کارەبایی و نانەوا و ئەمارەیلیگ لەشانی هەس، لە ناوچەی سەید جۆدە لە کەربەلا.    

و دیاری کرد ک تیمەیلە توەنستن زوان ئاگرەگە گیر بارن و نەیلن بڕەسێدە دوکانەیل شانی، و دووپات کرد ک هویچ زەخمدارییگ توومار نەکریا، وەگەرد کەمەوکردن زەرەدەیل دارایی.   

وتیش: لێکوڵینەوە ئەرا رەسین وە بندروس ئەو ئاگرە واز کریا.