وێنەیلیگ لە مەیدان تەحریر.. وەردەوامی رویکردن وەرەو مەیدان خۆپیشاندانەگان

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە هەڵوێست مەیدان خۆپیشاندانەگان لە بەغداد، و ئاماژە کرد لە وەردەوامی رویکردن وەرەو مەیدان تەحریر لەناوڕاس بەغداد پایتەخت.
سەرچەوەگە ئەرا ئاژانس شەفەق نیوز وت: ژمارەی خۆپیشاندەرەگان لە بەغداد بەشەو بویەسە دەور ٩٠٠ خۆپیشاندەر لە مەیدان تەحریر، و ٥٠٠ لە ناوچەی عەلاوی، و ئاماژە کرد ک یەک ڕی لە مەیدان فارس عەرەبی وەرەو عەلاوی بڕیاگە.
سەرچەوەگە دیاریکرد ک دەور ٣٠٠ خۆپیشاندەر ئیسە لە ساندیکای ئەندازیارن وەرەو مەیدان فارس جوولە کردن، و هەمیش خۆپیشاندەرەیلیگ روی کەنە مەیدان تەحریر لە لای مەیدان تەیەڕان و خەڵانی و جادەی سەعدون.
سەرچەوەگە دیاریکرد ک جادەی سەعدون و ئەو کویچەیلەگ وەرەو جادەی ئەبو نوواس چن، وەتەواوی بڕیانە، و هێزەیل ئەمنی ودژە ئاژاوە بڵاوبوینە.
هەمیش سەرچەوەگە وت؛ پوڵ سینەک و ریەگان وەرەو جادەی رەشید بڕیانە، و دیاریکرد ک ژمارەی کەسەکان لە تەحریر لە هەزار خۆپیشاندەر زیاتر نیە، وەگەرد بڵاوبوین مەفرەزە پزشکیەگان.
لەناوچەی عەلاوی، سەرچەوەگان ئاماژە کردن ک رەوشەیل مشتومڕی هالە ناونی خۆپیشاندەرەگان و هێزە ئەمنیەگان، و وەردەوام کوچگ دریەێدە هێزە ئەمنیەگان.