وینە.. ئاهەنگ مەندائیەیل وە جەژن گوڵەیل لە کنار دیجلە

شەفەق نیوز/ کەسەیلیگ باوەڕدار وە ئاین مەندائی لە عراق، ئمڕوو سێشەممە، ئاهەنگ جەژن گوڵەیل کردن، ئەوەیش لە کنار چەم دیجلە لە گەڕەک قادسیەی بەغداد پایتەخت.

مەندائیەیل وەی جەژنە ئاهەنگ کەن چوینکە لەلایان ساڵیاد گلەوخواردن جبرائیلە ئەرا ئاسمان، دویای ئەوە ک داوەزیە بان زەوی ئەرا مزگانی وە گەشەکردن و رووشنایی.

سابیئەی مەندائی، ئاینیگە کۆنە یەک خودا پەرەسێد، و باوەڕ وە یەحیای پەیغەمبەر دیرن ک خاوەن پەیامیانە، و کتاویان وەناو "کەنزا ربا"س، ک یەکەمین لاپەڕەیل ئادەم وە زوان ئارامی هاناوی.

کەسەیل باوەڕدار وەی ئاینە، وەشیوەیگ سەرەکی لە عراق بڵاو بوون، باوجی بڕ گەورەیگ لەلیان لەوەر جەنگەیل و رەوشەیل ئەمنی دویای ساڵ ٢٠٠٣ بان گردنە وەر.