وە کەمتر لە دوو رووژ.. هێزەیل عراق وە هاوکاری ئاسایش ٢٠ تیرۆرست دەسگیر کەن
شەفەق نیوز/ لیوای هێزەیل تایبەت یەحیا رەسول قسەکەر وەناو فەرماندەی گشتی هێزە چەکدارەیلە، ئمڕوو پەنجشەممە، راگەیان دەسگیرکردن ٢٠ تیرۆرست لە ناوچەیلیگ جیاجیا لە وڵاتەگە لە ماوەی ٢٤ ساعەت گوزەیشتە.
رەسول لە بەیاننامەیگ ئمڕوو باس دەسگیرکردن ١٤ تیرۆرست لە ماوەی ٢٤ ساعەت گوزەیشتە کڕد، وتیش؛ دەزگای دژە تیرۆر توێنستن هەڵمەت نوویگ جیوەجی بکەێد و لەناوی ٦ تیرۆرست سەروە ریخریاگ داعش دەسگیر بکەێد، و تەقەلای تەقانن تاوەرەیل وزەی کارەبا پویچەڵ کرد.
وتیش؛ ئەندامەیل دەزگاگە وەرەو پارێزگایل دیالە و کەرکوک و سەڵاحەدین روی کردن و ٣ تیرۆرست لە داواکریایەل دەسگیر کردن.
هەمیش لیوای ٢٢ لە فیرقەی شەشەم سەروە سوپای عراق، تەقەلای تەقانن تاوەرەیل وزەی کارەبا لە باکوور بەغداد پایتەخت- قەزای بێجی پویچەڵ کرد.
عەبدولڵا وتیش؛ دەزگاگە وەردەوامە لە هاوکاری جیاوازی وەگەرد ئاسایش هەرێم کوردستان- پارێزگای سلێمانی دویای دەسگیرکردن ٣ ئەندام لە داعش.
