وەزارەت دارایی عراق دەسکرد وە خەرجکردن مووچەی مانگ ئازار ئەرا فەرمانبەرەیل و هیزە ئەمنییەیل
2026-03-24T07:17:23+00:00
شەفەق نیوز - بەغدا
وەزارەت دارایی عراق، ئمڕوو سێشەممە راگەیان فەرمانگەی ژمێریاری دەسکردیە وە رێکارەیل دابینکردن دارایی (تەمویل) مووچەی فەرمانبەرەیل دەوڵەت و کارمەندەیل هێزە ئەمنییەیل ئەرا مانگ ئازار.
وەزارەتەگە لە بەیاننامەیگ ئمڕوو، داوا لە گشت یەکەیل خەرجکردن لە وەزارەتەیل و پارێزگایل و ئەو لایەنەیلە کە نەوەسیاینە وە وەزارەتەو کرد، سەردان فەرمانگەی ژمێریاری بکەن ئەرا تەواوکردن خوازینەیل دابینکردن مووچەی فەرمانبەرەیل و کارمەندەیلیان.
لە بەیاننامە دووپات کرد لەبان ئەوەگ بایەد یەکەیل خەرجکردن پابەند بوون وە خشتەی مانگانەی دابینکردن دارایی کە پەسەن کریاگە و گشت مەرجەیل جیوەجی بکەن تا پڕۆسەگە دویانەکەفێد.
