وەزیر ناوخۆ رێنمایی وە دواییهاوردن سكاڵایەیل توومارکریاگ لەبان رووژنامەنویسەیل لە گشت عراق کەێد
شەفەق نیوز- کەرکووک
وەزیر ناوخۆی عراقی یاسر مالکی، رووژ یەکشەممە، رێنمایی دا وە جیوەجیکردن ریکارەیل ئەرا دواییهاوردن وە سکاڵا و داوایەیل توومارکریاگ لەبان روژنامەنویسەیل لە گشت عراق، وە دووپاتکردن لەبان ئەوە کە ئازادی هۊر و دەربڕین دەسکەفتیگ گرانبایەس، و راگەیانن هاوبەشیگ گرنگە لە کار وەزارەت ناوخۆ و وەهێزکردن ئاسایش و سەقامگیری.
مالکی لە سەردانکردنی ئەرا بارەگای سەندیکای روژنامەنویسەیل عراقی لە پارێزگای کەرکووک، وە ئامادەبۊن ئاژانس شەفەق نیوز، وت کە روژنامەنویسەیل و راگەیاننکارەیل هاوبەشن لە کار ئەمنی، و وەدیهاوردن ئاسایش وەرپرسیاریەتییگ هاوبەشە کەفێدە بان شان گشت کەسیگ، وە دووپاتکردن لەبان گرنگی رێزگردن لە ئازادی هۊر و دەربڕین و تەنگەونەکردن لەبان خیزان روژنامەوانی.
دیاری کرد کە پارێزگای کەرکووک نۊنەرایەتی شاریگ ئەرا وەیەکەوژیان لە ناوەین پێکهاتەیلی کەێد، و فرە لە تیرۆر ناڵانیە، کاریگ کە خوازیار یەکخستن هەڵوێستەیل و وەهێزکردن هاوکارییە لە ناوەین لایەنە جیاجیایەیل ئەرا پارێزگاریکردن لەبان ئاسایش و سەقامگیریی.
مالکی دیاری کرد کە دۆسیەی ئەمنی کەرکووک لە ماوەی مانگەیل ئایندە کەفێدە دەس وەزارەت ناوخۆ، وە دووپاتکردن لەبان ئەوە کە وەزارەتەگە وەپەی پلان و بەرنامەیل زانستی و پیشەیی کار کەێد ئەرا پەرەداین جیوەجیکردن ئەمنی، و ئەو نۊنەرایەتی هیچ قەوارە یا لایەنیگ سیاسی نییە کەێد، بەڵکم ئەو وەزارەتیگە ئەرا گشت عراقییەیل.
مالکی، شەوەکی یەکشەممە، رەسیە پارێزگای کەرکووک، کە لە پیشوازیی وەزیر دەوڵەت و پارێزگار کەرکووک محمد سەمان ئاغا بۊ، لە فڕۆکەخانەی ناودەوڵەتی کەرکووک.
