وەزیر دارایی: 500 ملیار دینار مەرەقەزکەێد ئەرا شایستە دارایەیل مانگ ئەیلول کشاوەزەیل
شەفەق نیوز ـ بەغدا
وەزیر دارایی فالح ساری، ئمڕوو یەکشەممە، خەوەردا لە مەرەقەزکردن بڕ 500 ملیار دینار لە شایستە دارایەیل کشاوەرزەیل ئەرا مانگ ئەیلول، لە چوارچمگ رێکارەیل وەزارەتەگە ئەرا یەکلاکردن شایستە دارایەیل سەر وە کەرت کشاوەرزی دەوڵەت.
وەزیر لە بەیاننامەیگ فەرمی دووپاتکرد، وەزارەتەگە وەردەوامە لە تەواوکردن رێکارەیل پویلداین شایستەی کشاوەرزەیل لەماوەی مانگ ئایندە تا گشت ئەو شایستە دارایەیلە تەواوکریەێد وەپای رێکار دارایی پشت وەپی بەسیاگ.
ساری دیاریکرد ئەرا گرنگی کەرت کشاوەرزی و رۆل کشاوەرزەیل لە پاڵپشتی بەرهەم ناوخوەیی و ئەوزەڵداین ئاسایش خوەراکی، دووپاتکرد لەبان گرنگیداین وەزارەت دارایی وە دابنکردن داواکار دارایی هەوەجەکریاگ ئەرا وەردەوامی چالاکی کشاوەرزی و و کشاوەرزەیل بتوەن وەردەوامبوون لە کارەیلیان.
ئێ رێکارە لە چوارچمگ چارەسەر شایستە دارایەیل کەرت کشاوەرزی و رێکخسن پرۆسەگەی پویلداینە، وەجویریگ پویلداین وەردەوامبوود ئەرا وەرز کشاوەرزی و پاڵپشتی وەردەوام کارەیل کشاوەرزی لە وڵاتەگە بکریەێد، وەپای بەیاننامەگە.
