وەزیر دەرەوەی عراق، روی کەێدە بەحرەین ئەرا بەشداربوین لە «کفتوگۆی مەنامە»

وەزیر دەرەوەی عراق، روی کەێدە بەحرەین ئەرا بەشداربوین لە «کفتوگۆی مەنامە»
2020-12-03T10:51:25+00:00

شەفەق نیوز/ وەزارەت دەرەوەی عراق، ئمڕوو پەنجشەممە، راگەیان رویکردن فوئاد حسێن وەزیر دەرەوە وەرەو مەنامە پایتەخت بەحرەین.

ئەحمەد سەحاف قسەکەر وەناو وەزارەت دەرەوە لە بەیاننامەی کوڵیگ رەسیە ئاژانس شەفەق نیوز وت: وەزیر دەرەوە روی کردە بەحرەین ئەرا بەشداربوین لە گفتۆگو مەنامە لە خول ١٦ی.

سوو جمعە، گفتوگۆ مەنامە دەسکەێدە پی،  و لووتکەگەی ئمساڵ تا سێ رووژ وەردەوام بوود، تەرخان کریەێد ئەرا بەشداربوین میوانە گەوراگان لە وەزیر و وەرپرسەیل، و هەمیش دانیشتتەیلیگ ئەلیکتڕۆنی هاوەگەردی ک شاندەیلیگ گەوراتر بەشداریان بوون.

سێر تۆم بکیت وەرپرس جیوەجیکەر پەیمانگای توێژینەوە ستراتیژیەگان لە خوەرهەڵات ناوڕاس وت: شاندەگان کەفنە تاقیکردنەوەی کۆڤید-١٩ لەوەخت رەسینیان ئەرا فڕۆکەخانەی ناودەوڵەتی بەحرەین، وەرجە دەسکردن وە لووتکە ساڵانەگە ک پەیوەندی وە باوەتە ئەمنیەگان دیرێد.

بکیت هەمیش پێشبینی لە بەشداربوین شاندیگ ئیسرائیلی لە گفتوگۆەگە کرد، لە پشت واژووکردن رێککەفتنیگ لەلایەن بەحرەین  وەگەرد ئیسرائیل ئەرا دروسکردن پەیوەندیەلیگ دبلۆماسیانە لەناوبەین هەردوگ وڵاتەگە
Shafaq Live
Shafaq Live