وەزیر تەندروسی عراق: قەیەغەی هاتووچگنەگە تووشهاتنەکان کۆڕۆنا وە رێژەی ٤٠٪ کەمەو کرد

وەزیر تەندروسی عراق: قەیەغەی هاتووچگنەگە تووشهاتنەکان کۆڕۆنا وە رێژەی ٤٠٪ کەمەو کرد
2021-03-07T12:59:25+00:00

شەفەق نیوز/ حەسەن تمیمی وەزیر تەندروسی عراق، ئمڕوو یەکشەممە، دووپات کرد ک قەیەغەی هاتووچگن نیمچەیی و گشتگیرەگە بویە هاوکار لە کەمەوکردن رێژەی تووشهاتنەکان وە ڤایڕۆس کۆڕۆنا ئەرا رێژەی ٤٠ لەسەد، و لە خود وەختەگە جەخت کرد ک عراقیەکان پاپای ریکارە مقەیەتیەکان نیین.

تمیمی لە کۆنگرەیگ رۆژنامەوانی ئاژانس شەفەق نیوز ئامادەی بوی وت: قەیەغەی هاتووچگن نیمچەیی و گشتگیرەگە وەشیوەی گەورایگ بویە هاوکار لە کەمەوکردن تووشهاتنەکان وە ڤایڕۆس کۆڕۆنا وەرێژەی ٤٠ ٪.

وتیش؛ نووڕیمن ک هاووڵاتیبەکان پاپای وەکارهاوردن دەمامەک و ریکارە مقەیەتیەکان نیین، و ئی کارە هاوکاری لە وەردەوامی تۆمارکردن تووشهاتن وە ڤایڕۆس کۆڕۆنا دەێد، و سەڵامەتییان خەێدە وەر مەترسی، و هووشداری کرد ک هەڵوێست پەتاگە مەترسیدارە، وتووشهاتنەکان ئی رووژەیلە هانە زیایبوین.

تمیمی ئاماژە کرد ک زیایبوین تووشهاتنە سەختەکان وە کۆڕۆنا بوودە هووکار لە گرفتەیل گەورایگ، و وتیش؛ باس لە ئامادەکاریەکان لەسای زیایبوین ژمارەی تووشهاتنەکان کرد.

تمیمی لە کۆتایی کۆنگرەگە داوا لە دەزگا ئەمنیەکان کرد پاڵپشتی وەزارەت تەندروسی ولایەنە پەیوەندیدارەکان بکەێد ئەرا جیوەجیکردن بڕیارەیل دەسەی باڵای تەندروسی و سەڵامەتی نیشتمانی.

Shafaq Live
Shafaq Live