وە زیایبوون دوو ملیۆن دۆنم.. وارانەیل رووبەرەیل کشاوەرزی لە عراق فراوان کەن

شەفەق نیوز - بەغداد

روانگەی ئابووری "ئیکۆ عراق"، ئمڕوو شەممە، بەرزەوبوین رووبەر زەوییەیل وەکارهاوریاگ ئەرا کشاوەرزی لە عراق ئەرا نزیک 15 ملیۆن دۆنم لە ماوەی وەرز زمسان راگەیان، وە زیایبوین دوو ملیۆن دۆنم وە وەراورد وەرد رووبەر ئیسە.

روانگەگە لە بەیاننامەیگ  رەسیدە ئاژانس شەفەق نیوز وت: "زەوییەیل پوڕیاگ ئەرا کشاوەرزی لە عراق رەسنە نزیک 28 ملیۆن دۆنم، باوجی زیاتر لە نیمەی هیمان وەکار نەهاوریاس، چوینکە ئیسە نزیک 13 ملیۆن دۆنم چوودە ناو پرۆسەی کشاوەرزی".

ئاشکرا کرد  "زەوییەیل چانریاگ دابەش بوون ئەرا دوو جویر؛ یەکەم زەوییەیل دێمی، ک پشت وە ئاو واران بەسن، و رووبەرەیان رەسێدە نزیک 4 ملیۆن دۆنم، و لە ماوەی وەرز زمسان وە مدوو وارانەیل ئەرا 6 ملیۆن دۆنم بەرزەو بوود".

بەیاننامەگە زیای کرد  "جۊر دووەم خوەی لە زەوییەیل بەراو نشان دەێد، ک رووبەرەیان رەسێدە نزیک 9 ملیۆن دۆنم، و پشت وە ئاو چەمەیل و تووڕەیل ئاودێری بەسن"، و دیاری کرد  "پارێزگای واست یەکیگە لە دیارترین پارێزگایل کە پشت وە ئی جۊرە کشاوەرزییە بەسێد".