کپەوکردن ئاگر لەناو کۆمەڵگەیگ بازرگانی لەناوڕاس بەغداد.. وینە
شەفەق نیوز/ وەڕێەوبەرایەتی وەرگری شارستانی، ئمڕوو شەممە، کپەوکردن ئاگریگ لەناو ئەمار ودوکانەیلیگ راگەیان لە کۆمەڵگەی مشن بازرگانی لەناوڕاس بەغداد.
وەرگری شارستانی لە بەیاننامیگ رەسیە ئاژانس شەفەق نیوز وت: تیمەیلی شەوەکی ئمڕوو، رویداو ئاگریگ لەناو کۆمپانیای بازرگانی کەرەستەیل کشتوکاڵی لە ئەمار و دوکانەیلیگ لەناو کۆمەڵگەی مشن لە ناوچەی کەرادە کپەو کردن، وە سەرپەرشتی لیوا کازم سەڵمان بۆهان وەڕیەوبەر گشت وەرگری شارستانی.
بەیاننامەگە دیاری کرد ک تیمەیلی کەفتنە ئامادەباشی و دەور رویداوەگە گیر هاوردن و رخ بڵاوبوین ئاگرەگە وەرەو بینایل شانی دویرەو خستن، تا دەسبکەنە وەناوچگن ئەرا ناوڕاس ئەمار کۆمپانیاگە، تا وەتەواوی کپیەو بکەن، وەبی تووماکردن زەرەدەیل گیانی، وەگەرد کەمەوکردن زەرەدەیل دارایی.
بەیاننامەگە مەزەنە کرد ک هووکار ئاگرەگە لەوەر شۆرتیگ کارەبایی لە وایەر مولدەیل بویە.
