کپەوکردن ئاگر لەناو خەسەخانەیگ لە بابل... وینە
2022-08-04T07:45:33+00:00
شەفەق نیوز/ تیمەیل وەرگیری شارستانی توەنستن شەوەکی ئمڕوو پەنجشەممە، رویداویگ هیزگردن ئاگر لە نهۆم چوارەم لە "خەستەخانەی سەلامی ئەهلی " لە پارێزگای بابل کپەوبکەن.
لە بەیاننامیگ وە ئاژانس شەفەق نیوز رەسییە راگەیان، تیمەیل وەرگیری شارستانی ئەو نهۆمەی خەستەخانەگە لە بیمارەیل چووڵەوکردن هەمیش ئۆپراسیۆنیگ ئەنجامدان ئەرا رەسین وە ناوراس نهۆم سزیاگە ئەرا کۆنترۆڵکردنی و کۆتایی هاوردن وە کپەوکردنی وەبی ئەوەگ هویچ تویشهاتنیگ مرۆیی و بڕیگ فرە زەرد مادی توومار بکریەێد.
وەرگیری شارستانی لێکۆڵینەوە وازکردیە داوا لە پسپۆر بەڵگەناسی تاوان کردیە ئەرا هەڵگردن نموونەیلە و دیاریکردن هووکار ئاگرکەفتنە ناو خەسخانەگە.
